ନୂଆଦିଲ୍ଲୀ: ଗଣତନ୍ତ୍ରରେ ମତଦାନ ହେଉଛି ପ୍ରତ୍ୟେକ ବ୍ୟକ୍ତିଙ୍କ ନାଗରିକ ଅଧିକାର। ପାଞ୍ଚ ବର୍ଷକୁ ଥରେ ଆସୁଥିବା ଏହି ମତଦାନ ଅଧିକାରକୁ ସାବ୍ୟସ୍ତ କରିବାର ସୁଯୋଗ ଆଦୌ ବି ହାତଛଡ଼ା କରିବା ଉଚିତ ନୁହେଁ। ୭୮ ବର୍ଷୀୟା ଜଣେ ମହିଳା ଅସୁସ୍ଥ ଥିବା ସତ୍ତ୍ବେ ହସ୍ପିଟାଲ୍ରୁ ଷ୍ଟ୍ରେଚରରେ ବୁହା ହୋଇ ଭୋଟ୍ ଦେବାକୁ ଆସି ସଭିଙ୍କ ପାଇଁ ଉଦାହରଣ ପାଲଟିଛନ୍ତି। ମଙ୍ଗଳବାର ଦିନ ଶ୍ରୀମତୀ କଲଭତୀଙ୍କୁ ନାମ୍ନୀ ଏହି ମହିଳାଙ୍କୁ ଜୟନଗର ଡାକ୍ତରଖାନାରେ ଭର୍ତ୍ତି କରାଯାଇଥିଲା
“ଭୋଟ୍ ଦେବା କିମ୍ବା ଭୋଟ୍ ନଦେବା” କାଲଭାତୀଙ୍କ ପାଇଁ ଏକ ପ୍ରଶ୍ନ ଥିବା ବେଳେ ସେ ଶେଷରେ ତାଙ୍କର ନାଗରିକ ଦାୟିତ୍ବ ପୂରା କରିଛନ୍ତି। ନିକଟରେ ସପ୍ତାହରେ ରକ୍ତ ଅମ୍ଳଜାନ ସ୍ତର ହ୍ରାସ ପାଇବା ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଚାଲିଥିବା ଲୋକସଭା ନିର୍ବାଚନର ଦ୍ୱିତୀୟ ପର୍ଯ୍ୟାୟରେ ତାଙ୍କ ନିର୍ବାଚନମଣ୍ଡଳୀରେ ଭୋଟ୍ ଦେବାର କିଛି ଦିନ ପୂର୍ବରୁ କାଶ ହେବା ସହ ଏବଂ ନିଶ୍ୱାସ ପ୍ରଶ୍ୱାସରେ କଷ୍ଟ ଅନୁଭୂତ ହେବାରୁ ତାଙ୍କୁ ମଙ୍ଗଳବାର ଦିନ ଜୟନଗରର ଏକ ଡାକ୍ତରଖାନାକୁ ନିଆଯାଇଥିଲା।
କଲଭତୀ କିନ୍ତୁ ଶୁକ୍ରବାର ଦିନ ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲେ, ଯେତେବେଳେ ତାଙ୍କୁ ଭୋଟ୍ ପାଇଁ ମତଦାନ କେନ୍ଦ୍ରଙ୍କୁ ବୁଥକୁ ନିଆଯାଇଥିଲା। ଡାକ୍ତରଙ୍କ କହିବାନୁସାରେ, ଯେତେବେଳେ ସେ ହସ୍ପିଟାଲରେ ଭର୍ତ୍ତି ହୋଇଥିଲେ ସେତେବେଳେ ତାଙ୍କର ଅମ୍ଳଜାନ ସାଚୁରେସନ ସ୍ତର ୮୦ ଥିଲା। ଯାହା ସାଧାରଣତଃ ୯୫ରୁ ଅଧିକ ରୁହେ। ପରେ ସେ ନିମୋନିଆରେ ଆକ୍ରାନ୍ତ ହୋଇଥିଲେ।
ତାଙ୍କ ସ୍ୱାସ୍ଥ୍ୟ ଅବସ୍ଥା ଧୀରେ ଧୀରେ ସୁଧୁରିବାରୁ ଭଲଭତୀ ଭୋଟ୍ ଦେବାକୁ ଇଚ୍ଛା ପ୍ରକାଶ କରିଥିଲେ। ଗଣତାନ୍ତ୍ରିକ ପ୍ରକ୍ରିୟାରେ ଭାଗ ନେବାକୁ ତାଙ୍କ ନିଷ୍ପତ୍ତିକୁ ସମର୍ଥନ କରିବାକୁ ଡାକ୍ତରୀ ଦଳ ଆଗକୁ ଆସିବା ପରେ ସେ ବହୁତ ଖୁସି ହୋଇଥିଲେ। ନର୍ସିଂ ଦଳ ସାହାଯ୍ୟରେ ତାଙ୍କୁ ଷ୍ଟ୍ରେଚରରେ ଭୋଟ୍ ଦେବା ପାଇଁ ଜୟନଗର ନିର୍ବାଚନମଣ୍ଡଳୀକୁ ନିଆଯାଇଥିଲା।