ନୂଆଦିଲ୍ଲୀ: ଆସନ୍ତା ୨୦୨୪ ସାଧାରାଣ ନିର୍ବାଚନରେ ଦେଶରେ ୩୭୦ ଟି ଲୋକସଭା ଆସନ ଜିତିବାକୁ ଲକ୍ଷ୍ୟଧାର୍ଯ୍ୟ କରିଥିବା ବିଜେପି ଗତ ଥର ପରି ଏଥର ମଧ୍ୟ କର୍ଣ୍ଣାଟକରେ କଂଗ୍ରେସ ତୁଳନାରେ ଭଲ ପ୍ରଦର୍ଶନ କରିବ । କିନ୍ତୁ ଗତ ଥର ୨୫ଟି ଆସନ ଜିତିଥିବାବେଳେ ଏଥର ତାହା ୨୨କୁ ଖସି ଆସିବ । ଏପରି ପୂର୍ବାନୁମାନ କରିଛି ଇଣ୍ଡିଆଟିଭି-ସିଏନଏକ୍ସ ପୋଲ୍ ।
୨୦୧୯ ନିର୍ବାଚନରେ ବିଜେପି ଏହି ଦକ୍ଷିଣ ରାଜ୍ୟରେ ଥିବା ମୋଟ ୨୮ଟି ଲୋକସଭା ଆସନରୁ ୨୫ଟିରେ ବିଜୟୀ ହୋଇଥିଲା। ଗତ ନିର୍ବାଚନରେ କର୍ଣ୍ଣାଟକ ବିଜେପିକୁ ୩୦୦ ଟପାଇଥିଲା। ଏଥର ମଧ୍ୟ କର୍ଣ୍ଣାଟକରୁ ବିଜେପିର ବହୁତ ଆଶା ରହିଛି । କିନ୍ତୁ ରାଜ୍ୟରେ କଂଗ୍ରେସର ସରକାର ରହିଛି । ରାହୁଲ ଗାନ୍ଧି ମଧ୍ୟ କର୍ଣ୍ଣାଟକ ଉପରେ ଆଶା ରଖିଛନ୍ତି। ବିପଦକୁ ହ୍ରାସ କରିବା ପାଇଁ ବିଜେପି ଏଥର ଜେଡିଏସ ସହ ମେଣ୍ଟ ମଧ୍ୟ କରିଛି ।
ଆଉ ଏକ ଦକ୍ଷିଣ ରାଜ୍ୟ ତେଲେଙ୍ଗାନାର ମତାମତ ସର୍ଭେ ପ୍ରକାଶ ପାଇଛି । ଇଣ୍ଡିଆ ଟିଭି-ସିଏନଏକ୍ସ ଓପିନିୟନ ପୋଲ ଅନୁଯାୟୀ, ତେଲେଙ୍ଗାନାର ମୋଟ ୧୭ଟି ଆସନ ମଧ୍ୟରୁ ୫ଟି ଆସନ ଭାରତୀୟ ଜନତା ପାର୍ଟିର ଆକାଉଣ୍ଟକୁ ଯାଉଥିବା ଦେଖିବାକୁ ମିଳିଛି। ଏହା ସହ ୨ଟି ଆସନ ଭାରତ ରାଷ୍ଟ୍ର କମିଟି (ବିଆରଏସ)ର ଖାତାକୁ ଯାଉଥିବା ଦେଖିବାକୁ ମିଳିଛି। ସେହିପରି ରାଜ୍ୟରେ କଂଗ୍ରେସ ଦଳ ୯ଟି ଆସନ ରେ ବିଜୟୀ ହୋଇଥିବା ଜଣାପଡିଛି । ସେହିପରି ଆଉ ଏକ ଆସନ ଓୱେସିଙ୍କ ଦଳ ଏଆଇଏମଆଇଏମ୍ କୁ ଯାଇପାରେ।
