କଟକ : ନୂଆବର୍ଷ ଶୁଭେଚ୍ଛା ପାଇଁ କଟକ ସହରରେ ଲାଗିଥିବା ମହମ୍ମଦ ମୋକିମ୍ ଏବଂ ସୋଫିଆ ଫିର୍ଦ୍ଦୋସଙ୍କ ହୋର୍ଡିଂକୁ ନେଇ ଚର୍ଚ୍ଚା ବଢ଼ି ଚାଲିଛି। ହୋର୍ଡିଂରେ କଂଗ୍ରେସର ଦଳୀୟ ସଙ୍କେତ ‘ହାତ’ ଚିହ୍ନ ନଥିବା ଦେଖିବାକୁ ମିଳିଛି । ସୋଫିଆଙ୍କ ଫଟୋ ତଳେ ‘ବିଧାୟିକା’ ବୋଲି ଉଲ୍ଲେଖ ରହିଛି । ନୂଆବର୍ଷର ଶୁଭେଚ୍ଛା ଜଣାଇବା ପାଇଁ ଏହି ହୋର୍ଡିଂଟି ଲାଗିଥିବା ଦେଖିବାକୁ ମିଳିଛି ।ଏହି ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି ମହମ୍ମଦ ମୋକିମ୍ । ସେ କହିଛନ୍ତି, ଆମ ସମର୍ଥକ ଏହି ହୋର୍ଡିଂ ଲଗାଇଥାଇପାରନ୍ତି । ସାଧାରଣତଃ ସମର୍ଥକ ମାନେ ହୋର୍ଡିଂ ଲଗାଇଥାନ୍ତି । ସମର୍ଥକ ଆମକୁ କେବେ ଅଲଗା କରିନାହାନ୍ତି । ଆମ ଦୁଇ ଜଣଙ୍କ ପ୍ରତି ସହରବାସୀଙ୍କ ସମର୍ଥନ ରହିଛି । ଅଧିକାଂଶ ସ୍ଥାନରେ ଦଳୀୟ ଚିହ୍ନ, ନେତାଙ୍କ ସହ ସୋଫିଆଙ୍କ ଶୁଭେଚ୍ଛା ହୋର୍ଡିଂ ରହିଛି । ସୋଫିଆଙ୍କ ନିଜସ୍ଵ ପରିଚୟ ରହିଛି । ଦଳୀୟ ଚିହ୍ନର ସବୁବେଳେ ଆବଶ୍ୟକତା ନାହିଁ ।
