ନୂଆଦିଲ୍ଲୀ: ଭାରତର ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାରଙ୍କ ଇସ୍ତଫା ଦାବି କରି ନୂଆଦିଲ୍ଲୀର ଜନ୍ତର ମନ୍ତରରେ ପ୍ରତିବାଦ ପ୍ରଦର୍ଶନ କରିବାକୁ ଯାଉଥିବା ‘କକ୍ରୋଚ୍ ଜନତା ଦଳ’ର ତିନିଜଣ ପ୍ରମୁଖ ନେତାଙ୍କୁ ଦିଲ୍ଲୀ ପୋଲିସ ଅଟକ ରଖିଛି। ଏହି ଗିରଫ କିମ୍ବା ଅଟକ ହୋଇଥିବା ନେତାମାନେ ହେଲେ ଅଭିଜିତ ଦୀପକେ, ସୌରଭ ଦାସ ଏବଂ ଆଶୁତୋଷ ରାଙ୍କା। ସୂଚନା ଅନୁଯାୟୀ, ଏହି ତିନିଜଣ ନେତାଙ୍କୁ ଦିଲ୍ଲୀରେ ବିମାନ ଅବତରଣ କରିବା ପରେ ପୋଲିସ ଅଟକ ରଖିଥିଲା। ପରେ ଦିଲ୍ଲୀ ପୋଲିସର ବରିଷ୍ଠ ଅଧିକାରୀମାନଙ୍କ ଉପସ୍ଥିତିରେ ସେମାନଙ୍କୁ ଗେଟ୍ ନମ୍ବର-୯ରୁ ଏସ୍କର୍ଟ କରି ଏକ ବସ୍ ଯୋଗେ ଅନ୍ୟତ୍ର ନିଆଯାଇଥିଲା। ପରବର୍ତ୍ତୀ ନିର୍ଦ୍ଦେଶ ନ ଆସିବା ପର୍ଯ୍ୟନ୍ତ ସେମାନେ ରାତି ପର୍ଯ୍ୟନ୍ତ ପୋଲିସ ହେପାଜତରେ ରହିବେ ଏବଂ ସେମାନଙ୍କର ରହଣି ସ୍ଥାନ ସମ୍ପର୍ଣ୍ଣ ଗୋପନ ରଖାଯାଇଛି।ଏହି ଘଟଣାକୁ ନେଇ ଅଭିଜିତ ଦୀପକେ ନିଜର ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ସେୟାର କରି ପୋଲିସର କାର୍ଯ୍ୟାନୁଷ୍ଠାନକୁ ସାମ୍ନାକୁ ଆଣିଛନ୍ତି। ଅନ୍ୟପକ୍ଷରେ, କକ୍ରୋଚ୍ ଜନତା ପାର୍ଟିର ଆଇନଗତ ଦଳର ମୁଖ୍ୟ ରତ୍ନା ସିଂହ ମଧ୍ୟ ନେତାମାନଙ୍କୁ ଅଟକ ରଖାଯାଇଥିବା ନେଇ ସୂଚନା ଦେଇଛନ୍ତି ଏବଂ ପୋଲିସ ପକ୍ଷରୁ କୌଣସି ସ୍ପଷ୍ଟ କାରଣ ଦିଆଯାଇ ନଥିବା ଅଭିଯୋଗ କରିଛନ୍ତି।
