ତାମିଲନାଡୁ: ତାମିଲନାଡୁର ନିବେଶ ସଂକ୍ରାନ୍ତ ଗୁପ୍ତ ତଥ୍ୟ ପଡ଼ୋଶୀ ଆନ୍ଧ୍ର ପ୍ରଦେଶକୁ ଲିକ୍ କରିଛନ୍ତି କିଛି ବରିଷ୍ଠ ଅଧିକାରୀ l ଏହା ଜଣାପଡ଼ିବା ପରେ ତାମିଲନାଡୁର କ୍ଷମତାସୀନ ବିଜୟ ସରକାର ୧୫ ଜଣ ବରିଷ୍ଠ ଅଧିକାରୀଙ୍କୁ ବହିଷ୍କାର କରିଥିବା ଜଣାପଡ଼ିଛି। ସୂଚନା ଅନୁଯାୟୀ ଗୁପ୍ତ ଲିକ୍ ଘଟଣାର ପର୍ଦ୍ଦାଫାସ ପ୍ରଥମେ ରାଜ୍ୟ ଶିଳ୍ପ ମନ୍ତ୍ରଣାଳୟର ଟିମ କରିଥିଲା। ଏହି ଟିମ ଗାଇଡାନ୍ସ ତାମିଲନାଡୁର କାର୍ଯ୍ୟକଳାପକୁ ଅନୁଧ୍ୟାନ କରିବାର ଦାୟିତ୍ୱ ପାଇଛି। ଗାଇଡାନ୍ସ ତାମିଲନାଡୁ ଏଜେନ୍ସି ରାଜ୍ୟକୁ ନିବେଶ ଆଣିବାରେ ପ୍ରମୁଖ ଭୂମିକା ଗ୍ରହଣ କରିଥାଏ।କୁହାଯାଉଛି ଯେ ତାମିଲନାଡୁ ସରକାର ଓ ରାଜ୍ୟରେ ଶିଳ୍ପ ପ୍ରତିଷ୍ଠା କରିବାକୁ ଆଗ୍ରହୀ କମ୍ପାନୀଗୁଡ଼ିକ ମଧ୍ୟରେ ହୋଇଥିବା ନିବେଶ ସମ୍ପର୍କିତ କିଛି ଗୁରୁତ୍ୱପୂର୍ଣ୍ଣ ଓ ଗୋପନୀୟ ଆଲୋଚନା ତଥ୍ୟକୁ ପଡ଼ୋଶୀ ଆନ୍ଧ୍ରକୁ ଲିକ ହୋଇଛି। ଗୋପନୀୟ ତଥ୍ୟକୁ ଆନ୍ଧ୍ରପ୍ରଦେଶର କିଛି ଅଧିକାରୀଙ୍କ ନିକଟକୁ ପଠାଯାଇଥିବାର ଅଭିଯୋଗ ହୋଇଛି। କାରଣ ତାମିଲନାଡୁ ସରକାରରୁ ବହିଷ୍କୃତ ହୋଇଥିବା ୩ ଜଣ ଅଧିକାରୀ ବର୍ତ୍ତମାନ ଆନ୍ଧ୍ରପ୍ରଦେଶ ସରକାରଙ୍କ ସହ କାର୍ଯ୍ୟ କରୁଛନ୍ତି। ସେହିପରି ବିଜୟଙ୍କ ସରକାରଙ୍କୁ ବଦନାମ କରିବାକୁ ଏପରି ତଥ୍ୟ ଲିକ କୌଣସି ବଡ଼ ଷଡ଼ଯନ୍ତ୍ରର ଅଂଶବିଶେଷ ଥିଲା କି ନାହିଁ, ତା’ର ଖୋଳତାଡ଼ ମଧ୍ୟ ଆରମ୍ଭ ହୋଇଛି। ତାମିଲନାଡୁରେ ଆସିବାକୁ ଥିବା ଅନେକ ନିବେଶ ପ୍ରକଳ୍ପ ଆନ୍ଧ୍ରପ୍ରଦେଶକୁ ଚାଲିଯାଉଥିବା ଅଭିଯୋଗ ମଧ୍ୟରେ ଏହି ଘଟଣା ସାମ୍ନାକୁ ଆସିଛି। ଯେଉଁ ପ୍ରକଳ୍ପଗୁଡ଼ିକ ପୂର୍ବରୁ ତାମିଲନାଡୁକୁ ଆସିବାର ଆଶା ଥିଲା, ସେଗୁଡ଼ିକୁ ଆନ୍ଧ୍ରପ୍ରଦେଶ କିପରି ଚାଲି ଯାଉଥିଲା ତାହାକୁ ନେଇ ମଧ୍ୟ ପ୍ରଶ୍ନ ଉଠିଛି।
ତାମିଲନାଡୁର ନିବେଶ ସଂକ୍ରାନ୍ତ ଗୁପ୍ତ ତଥ୍ୟ ଆନ୍ଧ୍ର ପ୍ରଦେଶକୁ ଲିକ୍: ୧୫ ଜଣ ବରିଷ୍ଠ ଅଧିକାରୀଙ୍କୁ ବହିଷ୍କୃତ କଲେ ବିଜୟ ସରକାର
